ഇര

ഒറ്റാലില്‍ കുടുങന്നതിനേക്കാ‍ള്‍
വീശിയെറിഞ്ഞ വലയേക്കാള്‍
ഇഷ്ടം,
ചൂണ്ടയില്‍ കുരുങ്ങുന്നതാണ്


ഇത്തിരി നേരത്തെ മൂഡസ്വര്‍ഗ്ഗത്തില്‍
തുഴഞ്ഞു തളരുന്നതിനേക്കാള്‍,
ഒരു കണ്ണിപോലും പൊട്ടിച്ചെറിയാന്‍
ശ്രമിച്ചില്ലെന്ന പഴിയേക്കാള്‍,
ഒത്തിരിപ്പേരോടൊപ്പം കൂട്ടം തെറ്റാതെ
ഒരാള്‍ക്കെങ്കില്‍ ഒരാള്‍ക്ക്
അപകടചിഹ്നമായി തൂങിയാടുന്നതാണ്.


പറയാമല്ലൊ,
ഒരൊറ്റമോഹത്തിന് വേണ്ടി
ചെന്ന് കുരുങ്ങിക്കൊടുത്തതാണെന്ന്.
ചതിച്ചതല്ല,
ചതിക്കാന്‍ നിന്ന് കൊടുത്തതുമല്ലെന്ന്.


അറിയണമല്ലൊ
ഇരയുടെ ശരി
ഇരയാവുന്നവന്റെ രുചി